Սիոնիստական ռեժիմի (Իսրայել) սարսափելի ոճրագործությունից հետո՝ Գազայի «Ալ Մոամդանի» հիվանդանոցում հազարից ավելի անմեղ կանանց ու երեխաների վրա հարձակումն ու կոտորածը, եկել է մարդկության համաշխարհային միասնության ժամանակն ընդդեմ աշխարհի այս ամենաատելի կեղծ ռեժիմի։
Այս մասին X սոցկայքի էջում գրել է Իրանի արտաքին գործերի նախարար Հոսեյն Ամիր Աբդոլլահիանը:
«Ժամանակն ավարտվել է», - հավելել է նա:
Երեկ երեկոյան Պաղեստինի առողջապահության նախարարությունը հայտնել էր, որ Գազայի հատվածում գտնվող հիվանդանոցներից մեկին Իսրայելի հասցրած հարվածների հետևանքով ավելի քան 500 մարդ է զոհվել։ Իսրայելի վարչապետ Բենիամին Նեթանյահուն հերքել է այն պնդումները, թե իսրայելցի զինվորականներն են պատասխանատու Գազայի հիվանդանոցի վրա հարձակման համար։ Նրա խոսքով՝ հարյուրավոր կյանքեր խլած պայթյունն ահաբեկիչների ձեռքի գործն է։
