Օգոստոսի 10-ին, ժամը 18:50-ին ահազանգ է ստացվել, որ Վայոց ձորի մարզի Արտավան գյուղին հարակից տարածքում այրվում է խոտածածկ տարածք:
Դեպքի վայրում են գտնվում ՀՀ ԱԻՆ ՓԾ տնօրեն փ/ծ գնդապետ Մ. Ղազարյանը, ՃԿԱԿ պետ փ/ծ գնդապետ Հ. Խանգելդյանը եւ Վայոց ձորի մարզային փրկարարական վարչության պետ փ/ծ փոխգնդապետ Տ. Պետրոսյանը:
Դեպքի վայր են մեկնել Վայոց ձորից 5 մարտական հաշվարկ, մարզային փրկարարական վարչության, ճգնաժամային կառավարման կենտրոնի եւ հրշեջ-փրկարարական ջոկատի 3 օպերատիվ խմբերը, Ճգնաժամային կառավարման ազգային կենտրոնի օպերատիվ խումբը, Երեւանից 2, Վաղարշապատից եւ Աբովյանից մեկական մարտական հաշվարկ:
Դեպքի վայրում աշխատում են 72 հրշեջ-փրկարար:
Հրդեհաշիջման աշխատանքներին մասնակցում են ՊՆ ուղղաթիռ, «Լիդիան Արմենիա» ընկերության 2 ջրատար (ԿամԱԶ), անտառտնտեսության՝ 28, բնապահպանության պետական տեսչության՝ 3, ոստիկանության Վայքի բաժնի՝ 21, մարզպետարանի՝ 11 աշխատակից եւ Արտավան գյուղի բնակիչները:
Համագործակցություն է իրականացվում ՀՀ ՊՆ եւ ոստիկանության ուժերի հետ:
Պարզվել է, որ այրվում է մոտ 230 հա բուսածածկ տարածք:
Կտրվի լրացուցիչ տեղեկություն:
