50-ն անց մարդկանց հարցրել են, թե ինչ կանեին, եթե վերադառնային 30 տարեկան: Պատասխանները ստացվել են խելացի և հիմնականում շատ պարզ, այնպես որ, եթե այժմ 30 տարեկան եք, սա ձեր տնային առաջադրանքն է առաջիկա տարիների համար:

1. Թողեք ծխելը

«Եթե դուք հիմա տեսնեիք ինձ, ես կիջնեի իմ խեղճ ու ճռճռացող ծնկների վրա և կխնդրեի, որ գոնե սկսեք մտածել ծխելը թողնելու մասին», – գրում է հարցված կանանցից մեկը: Այն թանկ է, տհաճ հոտ է գալիս և 100%-ով երաշխավորված առողջական խնդիրներ է առաջացնում: Ցանկանո՞ւմ եք 50 տարեկանում ապրել առանց քաղցկեղի, ուրեմն միգուցե ժամանակն է թողնել ծխելը:

2. Օգտագործեք արևապաշտպան քսուք

Ցանկանո՞ւմ եք կնճիռներ, չոր, շերտավոր և բարակ մաշկ, կապտուկներ գրեթե ցանկացած հպումից: Այդ դեպքում գնացեք ծովափ և վայելեք արևը՝ առանց արևապաշտպան քսուկների։

3. Սկսեք գումար խնայել

Այո, սա ձանձրալի, տարօրինակ և անհետաքրքիր խորհուրդ է, բայց իսկապես անհրաժեշտ է։ 30 տարեկանում մարդուն գրեթե միշտ մի քիչ գումար է մնում խնայելու համար: Սկսեք խնայել հիմա, և ժամանակի ընթացքում դուք կունենաք լավ խնայողություններ:

4. Պահպանել (կամ վերականգնել) լավ հարաբերությունները հարազատների հետ

Նույնիսկ եթե կարծում եք, որ ձեր ընտանիքի հետ շատ դժվար հարաբերություններ ունեք, և երբեմն ատում եք միմյանց, դուք պետք է սովորեք, թե ինչպես լավ հարաբերություններ պահել մտերիմների հետ: Ընտանեկան կապերը շատ կարևոր են։ Ժամանակի ընթացքում դուք կհասկանաք, որ դա է իրական հարստությունը։

5. Հիշողություններ կուտակեք, ոչ թե իրեր

Դուք ձեր կյանքի փորձն եք: Շատ տխուր է արթնանալը 50 տարեկանում և հասկանալ, որ բացի նյութական հարստությունից, ոչինչ չես կուտակել։ Հիշողությունները չեն կարող դեն նետվել, և դրանք երբեք անարժեք չեն լինում:

Ավելին՝. այստեղ