Այսօր՝ հուլիսի 11-ին, ավտովթար է տեղի ունեցել Արարատի մարզում: Ժամը 14:20-ի սահմաններում Երևան-Մեղրի ավտոճանապարհի 22 կմ հատվածում՝ «Ադանա» ռեստորանային համալիրի դիմաց, բախվել են Mercedes, Opel և ՎԱԶ-2103 մակնիշի ավտոմեքենաները:
Shamshyan-ը հայտնում է՝ ըստ նախնական տեղեկությունների, վթարի հետևանքով, բարեբախտաբար տուժածներ չկան:
Մինչ դեպքի վայրում ճանապարհային ոստիկանները կարգավորում էին երթևեկությունը ու նյութեր էին նախապատրաստում, նշված վայրով անցնող Jeep մակնիշի ավտոմեքենան բախվում է Ճանապարհային ոստիկանության Toyota Corolla-ին, վերջինն էլ առաջ ընթանալով բախվում է «03»-ին:
Այդ վթարի փաստով, նախնական տեղեկություններով, նույնպես տուժածներ չկան:
Ճանապարհային ոստիկանությունը պարզում է վարորդների ինքնությունը:
