Իհարկե, յուրաքանչյուր կին իրեն համարում է իդեալական կամ դրան շատ մոտ, բայց յուրաքանչյուրն ունի որոշ առանձնահատկություններ, իր առավելություններն ու թերությունները։ Ահա թե ինչպես է Կենդանակերպի նշանն ազդում կնոջ պահվածքի վրա ընտանեկան կյանքում։
Խոյ
Կին-մրցակից. Սա շատ ուժեղ կին է, ուստի նրան պետք է նույն ուժեղ տղամարդը, համառ և դիմացկուն: Իսկ թեժ խառնվածքով Խոյ կնոջ կանոնավոր փոթորիկներին դիմակայելը՝ թույլերի զբաղմունք չէ: Երբ նա վերջապես գտնի այդպիսի մեկին, անմիջապես կամուսնանա նրա հետ: Դրանից հետո նրանց սպասվում է բնավորությունների երկարատև պայքար, որը կարող է մի փոքր ավելի հանգիստ դառնալ միայն ոսկե հարսանիքին մոտ։
Ցուլ
Կին-մոտիվացիա. Նման կանայք սովորաբար ամուսնանում են համակրելի և զվարճալի անբանների հետ, քանի որ նրանց շրջապատում միշտ հաճելի է լինել: Այնուամենայնիվ, շատ շուտով պարապ մարդը պարզապես պետք է դառնա հաջողակ և հարուստ, քանի որ նրա կնոջը պետք է լավ սնունդ և գեղեցիկ զգեստ, գեղեցիկ տուն և փոքրիկ մեքենա: Դրա համար կինը մեթոդաբար կսղոցի նրան, մանիպուլյացիայի, շանտաժի կենթարկի և կկիրառի մոտիվացիայի այլ մեթոդներ: Մի խոսքով՝ ամենաուժեղը ողջ կմնա։
Երկվորյակներ
Կին-հայելի. Նա լի է միստիկայով, առեղծվածով ու վտանգով։ Նա հստակ գիտի, թե ով է իրականում իր ընտրյալը և պատրաստ է ցույց տալ նրան իր իսկական դեմքը: Նման կնոջ հետ ընտանիքը երջանիկ կլինի միայն խիզախ ու լավ տղամարդու համար, ով չի վախենում իր մասին պարզել ողջ ճշմարտությունը։ Բոլոր մյուսները, ովքեր չեն անցել ընտրությունը, ինքնուրույն կփախչեն կամ կհեռացվեն նրա կյանքից։ Այդ իսկ պատճառով այս աղջիկներին կարելի է համարել ամենաերջանիկներից մեկը, քանի որ ի վերջո նրանք գիտեն, թե ինչպես ընտրել իսկական տղամարդ։
Խեցգետին
Կատարյալ կին. Դժվար է համոզել նրան ամուսնանալ, բայց եթե հաջողի, ապա ամուսինը կստանա ամբողջական հավաքածու՝ խելացի, գեղեցիկ, հրաշալի սիրուհի և տանտիրուհի։ Ընտանիքը նրա համար ամենակարևորն է։ Իսկ եթե ամուսինը չի կիսում նման համոզմունքը, ապա անխնա «կճանկռոտվի» Խեցգետնի չանչերով։
Առյուծ
Կին-թագուհի. Նման կանայք ամուսնանում են նրանց հետ, ովքեր պատրաստ են անմիջապես իրենց արքայական կյանք ապահովել, իսկ հետո ամեն օր նոր գագաթներ նվաճել ու ամբողջ աշխարհը գցել իրենց ոտքերի տակ։ Մի խոսքով, Առյուծին պետք է փայլել, և ամուսինը պետք է նրան ապահովի այն ամենով, ինչ անհրաժեշտ է դրա համար։
Կույս
Խելացի կին. Նրա հետ կարելի է խոսել ամեն ինչի մասին, նա միշտ կհասկանա ամեն ինչ, կաջակցի և իմաստուն խորհուրդներ կտա։ Նա կին է, սիրուհի և լավագույն ընկերուհի, ուստի նրա ամուսինը նույնիսկ ընկերների կարիք չի ունենա: Բայց լինում են դեպքեր, երբ Կույսի վրա ինչ-որ բան է հարձակվում, որը նրա մոտ սարսափելի ցանկություն է առաջացնում սղոցել իր սիրելիի ուղեղը՝ ընդ որում օգտագործելով լավ մտածված բարդ մեթոդներ: Թեև դա արագ է անցնում, և հետո, իհարկե, նա ներողություն է խնդրում։
Կշեռք
Կին-փիսիկ. Քաղցր ու հմայիչ, բայց ոչ այնքան օգտակար առօրյա կյանքում։ Բայց առանց նրա տունը դատարկ կլինի, քանի որ նա կերպարանափոխում է այն իր ներկայությամբ։ Եվ նրան պետք է փայփայել ու պահել գրկում, այլապես կվիրավորվի ու կփախչի հենց կեսգիշերին։
Ավելին՝ Mediamag.am
