Ինչպիսի խենթություն. հղի էի, բայց չգիտեի. Ռիհանան մեկնաբանել է Vogue-ի ընտանեկան ֆոտոշարքը (լուսանկարներ)

Երգչուհի Ռիհանան ընտանիքի անդամների հետ զարդարել է բրիտանական Vogue ամսագրի շապիկը՝ ներկայանալով որդու և սիրելիի՝ ռեփեր A$AP Rocky-ի հետ:

Ինչպես գրում է thevoicemag.ru-ն, սա առաջին դեպքն է, երբ նրանք երեքով պրոֆեսիոնալ ֆոտոշարքով հայտնվում են մամուլի էջերում:

Ի դեպ, Ռիհանան, մեկնաբանելով, ֆոտոշարքը, որն արվել է դեկտեմբերին, խոստովանել է, որ նկարահանման պահին չի իմացել, որ հղի է երկրորդ երեխայով:

«Ինչպիսի խենթություն. իմ երկու փոքրիկներն էլ այս լուսանկարներում են, բայց մայրիկը գաղափար անգամ չուներ այն մասին»,- գրել է աստղը Instagram-ում՝ հպարտորեն կիսվելով նկարահանման լուսանկարներով:

Նշենք, որ Ռիհանայի երկրորդ հղիության մասին պաշտոնապես հայտնի է դարձել երգչուհու՝ Superbowl Halftime show-ում ելույթից հետո: