Ադրբեջանի Շիրվան քաղաքում հարսանյաց արարողության ժամանակ կարիճը խայթել է փեսային: Այս մասին հայտնում է ադրբեջանական ԱՊԱ գործակալությունը:
Աղբյուրի հաղորդմամբ՝ միջադեպը տեղի է ունեցել Շիրվանի հանդիսությունների սրահներից մեկում: Միջադեպի հետևանքով Շիրվանի 27-ամյա բնակիչ Էլչին Դադաշևի վիճակը վատթարացել է:
Նշվում է, որ տուժածը տեղափոխվել է քաղաքային հիվանդանոցի վերակենդանացման բաժին և որոշ ժամանակ անց բարեհաջող դուրս գրվել:
