ՌԴ Անվտանգության խորհրդի փոխնախագահ Դմիտրի Մեդվեդևը կանխատեսել է մի շարք իրադարձություններ 2023 թվականին՝ դրանք նկարագրելով Telegram-ի իր ալիքում։
Նա հայտարարել է, որ որոշել է վարժություն անել «ֆուտուրիստական վարկածներում» և ենթադրել է, որ հաջորդ տարի, մասնավորապես, աշխարհը ակնկալում է նավթի գների բարձրացում մինչև 150 դոլար մեկ բարելի դիմաց, իսկ գազի գինը մինչև 5000 դոլար 1000 խմ-ի դիմաց։
Մեդվեդևը նաև կանխատեսել է, որ Բրիտանիան կվերադառնա Եվրամիություն, որից հետո ԵՄ-ն կքանդվի։ Եվրոն կդադարի լինել եվրոգոտու արժույթը, գրել է քաղաքական գործիչը։
Բացի այդ, Անվտանգության խորհրդի փոխնախագահը գրել է, որ Լեհաստանն ու Հունգարիան կգրավեն նախկին Ուկրաինայի արևմտյան շրջանները, իսկ Գերմանիայի և նրան միացած արբանյակների՝ Լեհաստանի, Չեխիայի, Սլովակիայի, Ռումինիայի, «Կիևի Հանրապետության» հիմքի վրա կստեղծվի Չորրորդ Ռեյխը։ Ավելին, գրում է Մեդվեդևը, այս նոր դաշինքի և Ֆրանսիայի միջև պատերազմ կսկսվի, և Եվրոպան նորից կբաժանվի։
Ի թիվս այլ բաների, քաղաքական գործիչը մատնանշել է Հյուսիսային Իռլանդիայի անջատումը Մեծ Բրիտանիայից, քաղաքացիական պատերազմը ԱՄՆ-ում, որի ընթացքում Կալիֆոռնիան և Տեխասը կդառնան անկախ պետություններ, քաղաքացիական պատերազմից հետո հանրապետականներին հատկացված նահանգներում նախագահական ընտրություններում Իլոն Մասկի հաղթանակը և այլն։
