Ադրբեջանի արտաքին գործերի նախարար Ջեյհուն Բայրամովն աշխատանքային այցով մեկնել է Մոսկվա։ Ռուսաստանի արտգործնախարար Սերգեյ Լավրովը ուրբաթ օրը Մոսկվայում կհանդիպի իր ադրբեջանցի գործընկեր Ջեյհուն Բայրամովի հետ։ Այս հանդիպումը նախարարների համար երկրորդը կլինի ՌԴ մայրաքաղաքում՝ մեկ ամսվա ընթացքում, գրում է ՏԱՍՍ-ը։
Նախորդ օրը, ինչպես հայտնել ենք, հեռախոսազրույց է տեղի ունեցել Լավրովի ու Բայրամովի միջև։ Նրանք ափսոսանք են հայտնել Երևանի և Բաքվի միջև խաղաղության պայմանագրի շուրջ դեկտեմբերի 23-ին Մոսկվայում կայանալիք բանակցություններին մասնակցելուց հրաժարվելու Հայաստանի որոշման կապակցությամբ։
Դեկտեմբերի 22-ին հայտնի դարձավ, որ Հայաստանը, ելնելով Լաչինի միջանցքում ստեղծված իրավիճակից, խնդրել է հետաձգել նախատեսված հանդիպումը։
