Երեկ կառավարական առանձնատան մոտ ինքնահրկիզված քաղաքացու վիճակը մասնագետները ծանր են գնահատում։ Այս մասին 24News-ին ասաց ՀՀ առողջապահության նախարարի մամուլի քարտուղար Հռիփսիմե Խաչատրյանը։ Քաղաքացին վերակենդանացման բաժանմունքում է։
Հիշեցնենք, որ ինքնահրկիզման դեպքը տեղի է ունեցել Երեւանի Պռոշյան-Դեմիրճյան խաչմերուկում։ Շտապօգնությունը քաղաքացուն ուշագնաց վիճակում տեղափոխել էր ՀՀ ԱՆ այրվածքաբանություն ազգային կենտրոն։
