Այսօր 10:40-ին վերսկսված որոնողական աշխատանքների արդյունքում ջրափրկարարները ժամը 14։20-ին հայտնաբերել են Շիրակի մարզի Կառնուտի ջրամբարում ջրահեղձված՝ 1981 թ. ծնված Կ. Գ.-ի դին և դուրս բերել լճից:
Հուլիսի 24-ին, ժամը 00:17-ին տեղեկություն էր ստացվել, որ 1981 թ. ծնված Կ. Գ.-ը մեկնել է Շիրակի մարզի Կառնուտի ջրամբար և չի վերադարձել, կասկածվում է, որ նա ջրահեղձվել է. անհրաժեշտ է փրկարարների օգնությունը:
Դեպքի վայր էր մեկնել մեկ մարտական հաշվարկ և մարզային ճգնաժամային կառավարման կենտրոնի օպերատիվ խումբը:
Կառնուտի ջրամբարի արևմտյան հատվածում գտնվող արհեստական լճի (մոտ 5 մ խորությամբ, մոտ 70 մ երկարությամբ և 25 մ լայնությամբ) ափին հայտնաբերվել էր Կ. Գ.-ի հագուստը:
Ժամը 03:03-ին մթության պատճառով և եղանակային պայմաններից ելնելով որոնողական աշխատանքները դադարեցվել և վերսկսվել էին առավոտյան:
