Ավազակային հարձակում «Հայէկոնոմբանկ»-ի դիմաց. դիմակավորված տղամարդը հարձակվել է գումար տեղափոխողի վրա, սակայն պայուսակը պատռվել է ու մոտ 7 մլն դրամը թափվել


Ավազակային հարձակում «Հայէկոնոմբանկ»-ի դիմաց. դիմակավորված տղամարդը հարձակվել է գումար տեղափոխողի վրա, սակայն պայուսակը պատռվել է ու մոտ 7 մլն դրամը թափվել
Օգոստոս 11 16:00 2022

Այսօր՝ օգոստոսի 11-ին, ավազակային հարձակում է տեղի ունեցել Երևանում։ Այս մասին հայտնում է shamshyan.com-ը։

«Ժամը 11։30-ի սահմաններում ոստիկանության Երևան քաղաքի վարչություն ահազանգ է ստացվել, որ Սեբաստիա փողոցում՝ «Հայէկոնոմբանկ»-ի «Մետաքս» մասնաճյուղի դիմաց, գլխարկով ու բժշկական դիմակով դեմքը փակած տղամարդը ավազակային հարձակում է կատարել։

 

Ֆոտոլրագրողը հայտնում է, որ ժամը 11։30-ի սահմաններում Volkswagen մակնիշի ավտոմեքենայի վարորդը «Հայէկոնոմբանկ»-ի «Մետաքս» մասնաճյուղ է բերել 7 մլն 800 հազար դրամ և իջնելով ավտոմեքենայից՝ փորձել է մոտենալ բանկի մասնաճյուղ։

Այդ պահին գլխարկով ու դեմքը բժշկական դիմակով փակած տղամարդը հարձակվել է նրա վրա և փորձել հափշտակել գումարը։ Այդ պահին տոպրակը պատռվել է, և ողջ գումարը թափվել է, իսկ այդ երիտասարդը դիմել է փախուստի»,-գրել է կայքը։ 



loading...