Հունիսի 10-ին ՀՀ արտգործնախարար Արարատ Միրզոյանի նախագահությամբ Երևանում կայացավ Հավաքական անվտանգության պայմանագրի կազմակերպության (ՀԱՊԿ) արտաքին գործերի նախարարների խորհրդի նիստը:
Հայաստան ժամանած հյուրերին հյուրասիրելու համար ֆուրշետի սեղան է պատրաստվել՝ ծախսելով 4 միլիոն 300.000 դրամ։
Հյուրերին հյուրասիրել են ծովախեցգետին, կարմիր ձուկ, ընկուզեղեն, աղանդեր և այլն…
Ֆուրշետի սեղանի համար ԱԳՆ-ն մեկ անձից գնման պայմանագիր է կնքել «Բլիզարդ» ՍՊԸ-ի հետ։
Ֆուրշետից բացի, 70 անձի համար ընթրիք է կազմակերպվել. այդ նպատակով Արտաքին գործերի նախարարությունը 2 միլիոն 230.000 դրամի մեկ անձից գնման պայմանագիր է կնքել մեկ այլ ընկերության՝ «Ման Բևըրիջիս» ՍՊԸ-ի հետ։
Մեկ պայմանագիր էլ ԱԳՆ-ն կնքել է «Սալոն» ռեստորանի հետ. պայմանագրի արժեքը 1 միլիոն դրամ է։
Այս ռեստորանում են հյուրասիրել ՌԴ արտգործնախարար Սերգեյ Լավրովին։
Ամփոփելով՝ ՀԱՊԿ արտաքին գործերի նախարարության խորհրդի նիստի համար ՀՀ ԱԳՆ-ն ներկայացուցչական ծախսերի համար հատկացրել է 7.5 միլիոն դրամ։
