Առողջապահության նախարար Անահիտ Ավանեսյանը հունիսի 10-ին հրաման է ստորագրել, որի համաձայն՝ հաստատվել է պետության կողմից երաշխավորված անվճար և արտոնյալ պայմաններով հիվանդանոցային պայմաններում բժշկական օգնության և սպասարկման կազմակերպման և իրականացման չափորոշիչը։
Հրամանն ուժի մեջ կմտնի հունիսի 24-ին։
Iravaban.net-ը ներկայացնում է պետության կողմից երաշխավորված անվճար և արտոնյալ պայմաններով հիվանդանոցային պայմաններում բժշկական օգնության և սպասարկման կազմակերպման և իրականացման չափորոշչի ընդհանուր դրույթները։
1. Սույն չափորոշչով կարգավորվում են 18 տարեկան և բարձր տարիքի անձանց պետության կողմից երաշխավորված անվճար և արտոնյալ պայմաններով հիվանդանոցային պայմաններում բժշկական օգնության և սպասարկման (այսուհետ` հիվանդանոցային բժշկական օգնություն) կազմակերպման և իրականացման հետ կապված հարաբերությունները:
