ՀՀ նախագահ Վահագն Խաչատուրյանը Հայաստանի դեսպաններ է նշանակել երեք երկրում։ Հրամանագրերը հրապարակվել են ՀՀ նախագահի կայքում։
Ըստ փաստաթղթերի` Գերմանիայում ՀՀ դեսպան Վիկտոր Ենգիբարյանը համատեղության կարգով նշանակվել է նաև Լիխտենշտեյնում Հայաստանի արտակարգ և լիազոր դեսպան։
Բուլղարիայում ՀՀ դեսպան Արմեն Եդիգարյանը համատեղության կարգով նշանակվել է Հյուսիսային Մակեդոնիայում Հայաստանի արտակարգ և լիազոր դեսպան։
Իսկ Հովհաննես Իգիթյանը, որը ՀՀ դեսպանն է Լիտվայում, համատեղության կարգով առաքելություն կիրականացնի նաև Լատվիայում։
