ՊՊԾ նախկին աշխատակից, Արթուր Վանեցյանի օգնական Արամ Գրիգորյանի նկատմամբ որպես խափանման միջոց է ընտրվել ստորագրությունը՝ չհեռանալու մասին։ Արսեն Բաբայանը տելեգրամյան իր ալիքում հայտնել է այս մասին՝ նշելով.
«Այնքան անհեթեթ գործ է կարվել, որ նույնիսկ կեղծիքով չկարողացան ձերբակալել»։
Հիշեցնենք, որ համացանցում ավելի վաղ տեսանյութեր էր տարածվել, որտեղ երում է, թե ինչպես են անձանց գումար տալիս։ Թեև տեսանյութը ակնհայտորեն նկարահանվել է ձմռանը և որևէ կապ չի կարող ունենալ Երևանում իրականացվող ակցիաների հետ, իշխանական քարոզիչները դա ներկայացնում էին որպես՝ ակցիաներին մասնակցության համար քաղաքացիներին շահագրգռելու դեպք։
Քրեական ոստիկանության վարչության ծառայողները՝ ՔԿ-ում քննվող քրեական գործի շրջանակներում խուզարկություն են իրականացրել Արամ Գրիգորյանի բնակարանում, ապա՝ բերման ենթարկել վերջինիս՝ Ոստիկանության Արաբկիրի բաժանմունք, որտեղից էլ Գրիգորյանին տեղափոխել են ՔԿ Երևան քաղաքի վարչություն։
