Երևանում իրականացվող խաղաղ անհնազանդության ակցիաների ընթացքում ոստիկաններն այսօր արդեն բերման են ենթարկել 364 քաղաքացու։ Այս մասին «Փաստինֆո»-ին հայտնեցին ՀՀ ոստիկանությունից։
Նույն աղբյուրի փոխանցմամբ՝ քաղաքացիները բերման են ենթարկվել Վարչական իրավախախտումների վերաբերյալ օրենսգրքի 182-րդ հոդվածի՝ ոստիկանների օրինական պահանջը չկատարելու հիմքով։ Մինչդեռ՝ տեսանյութերում տեսանելի է, որ ոստիկանությունը քաղաքացիներին բերման է ենթարկում առանց որեւէ նախազգուշացման։
Հիշեցնենք, որ այսօր վաղ առավոտից Երևանում անհնազանդության ակցիաներ են իրականացվում։
