Բավարիայում ավտոմայրուղում ավտոբուսի եւ բեռնատարի բախման հետեւանքով առնվազն 17 մարդ անհետ կորած է համարվում: Այս մասին հաղորդում է Sky News-ը՝ վկայակոչելով ոստիկանության հաղորդագրությունը:
DW-ի տեղեկություններով՝ բախումից հետո ավտոբուսն ամբողջությամբ այրվել է: Նախնական տվյալներով՝ 37 մարդ է տուժել:
Հաղորդվում է, որ Գերմանիայի հյուսիսից Նյուրնբերգի ուղղությամբ ընթացող ավտոբուսը բախվել է դանդաղ ընթացող բեռնատարին: Ավտոբուսում 48 ուղեւոր է եղել: Փրկարարական գործողությանը նաեւ ուղղաթիռներ են մասնակցում:
