Կեղծ տեղեկատվություն.«Փաշինյանն սկսել է նմանակի օգտագործել». հոդվածը չի համապատասխանում իրականությանը


Կեղծ տեղեկատվություն.«Փաշինյանն սկսել է նմանակի օգտագործել». հոդվածը չի համապատասխանում իրականությանը
Հունիս 8 19:02 2021

Հարգելի ընթրեցողներ հարկ ենք համարում նշել որ սույն վերտառությամբ հոդվածը կեղծ է։

Մասնավորապես՝ Կապիտուլյացիայից անմիջապես հետո Փաշինյանի շրջապատից մարդիկ ինձ ասացին, որ նա թաքնվում է ՊՆ բունկերում: Այս մասին Տելեգրամի իր ալիքում գրում է ռուս լրագրող, ««Իզվեստիա» թերթի խմբագրություն» ԲԲԸ տնօրենների խորհրդի նախագահ Արամ Գաբրիելյանովը:

Սակայան հարգելով տեղեկատվության մասին ձեր իրավունքը տեղեկացնում ենք որ Արամ Գաբրիելյանի հրապարակումը կեղծ է , քանի որ փաստերի ստուգման https://factcheck.ge/ կենտրոնը ստուգել է Գաբրիելյանովի սույն հրապարակումը և պարզել ՝

Վճիռ՝ Սխալ տեղեկություն

«Իզվեստիա» թերթի տնօրենների խորհրդի նախագահ Արամ Գաբրիելյանովը տելեգրամյան ալիքում գրել էր, թե Հայաստանի վարչապետի պաշտոնակատար Նիկոլ Փաշինյանը «պաթոլոգիկ վախկոտ է», և պատերազմից հետո սկսել է նմանակ օգտագործել։ Գաբրիելյանովը որպես ապացույց հրապարակել էր տեսանյութ, որում երևում էր արտաքնապես Փաշինյանին նման տղամարդ։

Այս տեղեկությունը կեղծ է։ Տարածվող տեսանյութը Քաղաքացիական պայմանագրի նախընտրական քարոզարշավի նկարահանման հրապարակից էր։ Տղամարդը նմանակել էր Փաշինյանին՝ այդ տեսանյութի պատրաստման համար միայն։ Գաբրիելյանովի հայտարարությունը, թե Փաշինյանն օգտագործել է նմանակ` հոլովակը նկարահանելու համար, ճիշտ է, սակայն նրա պնդումը, թե սա ապացույց է, որ Փաշինյանն օգտագործում է նմանակ` պատերազմի ավարտից հետո, սխալ է:

Հունիսի 8-ին Արամ Գաբրիելյանովն իր տելեգրամյան ալիքում տեսանյութ էր հրապարակել՝ կից գրելով․

«․․․ինձ ասացին, որ Նիկոլ Փաշինյանը պաթոլոգիկ վախկոտ է ու պատերազմի սկսվելուց հետո սկսել է նմանակի օգտագործել: Ստիպված եղանք մարդ մտցնել Փաշինյանի շրջապատ: Ահա նայեք»։

 

 

 

Այս լուրը լայնորեն տարածվեց տարբեր լրատվակայքերում՝ lurer.comarmday.amhayeli.amyelaket.amblog.7or.am և սոցիալական ցանցերում։ Հրապարակված տեսանյութում տեսնում ենք տարբեր մարդկանց, որոնց թվում նաև Նիկոլ Փաշինյանին արտաքնապես նման տղամարդու։

Այս տեսանյութում երևացող կոստյումով տղամարդը Արթուր Հակոբյանն է։ Media.am-ի հետ զրույցում նա ևս հաստատեց դա։ Արթուր Հակոբյանին հաճախ են նմանեցնում Նիկոլ Փաշինյանին։ Տարածվող տեսանյութում նա մարմնավորում է հենց Փաշինյանին՝ «Քաղաքացիական պայմանագիր» կուսակցության նախընտրական հոլովակի պատրաստման ժամանակ։

Նրա խոսքով՝ տեսանյութն արվել է Հայֆիլմ կինոստուդիայում։

 

Արթուր Հակոբյանը՝ ՔՊ նախըտրական տեսանյութի նկարահանման օրը

 

Արթուր Հակոբյանը նշեց նաև, որ ո՛չ դերասան է, ո՛չ ՔՊ անդամ, պարզապես Նիկոլ Փաշինյանին արտաքնապես նման է, այդ պատճառով էլ ստացել է նրան մարմնավորելու առաջարկ։ Նրա խոսքով՝ սա միակ դեպքն է, երբ մարմնավորել է վարչապետի պաշտոնակատարին։

Այսպիսով, Արամ Գաբրիելյանովի հրապարակած տեսանյութը չի ապացուցում, թե Փաշինյանը պատերազմից հետո նմանակ է օգտագործում։ Դա ընդամենը դրվագ էր Քաղաքացիական պայմանագրի նախընտրական հոլովակի նկարահանումից։ Արթուր Հակոբյանը միայն մեկ անգամ է նմանակել Նիկոլ Փաշինյանին։ Պատերազմից հետո Փաշինյանի կողմից նմանակի օգտագործման որևէ ապացույց չկա։

Ավելին՝ https://factcheck.ge/

Armday.am -ը  շնորհակալություն է հայտնում փաստերի ստուգման կենտրոնին և հայցում իր ընթերցողների ներողամտությունը

 

 

 

 

 

 



loading...