սովորություններ, որոնց մասին բոլորս ականջի ծայրով լսել ենք և այդպես էլ չենք համարձակվել անել:
1. Ականջի մերսուն
Ականջի մերսումը կօգնի օրգանիզմին վերջնականապես արթնանալ: Դա կարելի է անել վաղ առավոտյան, երբ դեռ անկողնում պարկած եք: Ականջի զգայուն մասերի վրա ազդեցությունը դրականորեն է ազդում ներքին զգացողությունների վրա և առույգացնում է:
2. Մեկ բաժակ կիտրոնով տաք ջուր
Շատ է խոսվում սոված ժամանակ սուրճ խմելու սովորությունից հրաժարվելու և այն փոխարինելու կիտրոնով տաք ջրի մասին: Այդ ըմպելիքը լավացնում է մարսողական համակարգի և լյարդի աշխատանքը, օրգանիզմից հեռացնում է տոքսինները, ամրացնում է իմունային համակարգը: Անհրաժեշտ չէ ճզմել ամբողջ կիտրոնի հյութը, մեկ ընդունման համար բավարար է կիտրոնի մեկ քառորդը: Ցանկալի է կիտրոնով տաք ջուր խմելու և նախաճաշ ընդունելու միջև 20–30 րոպե ընդմիջում տալ:
3. Լեզվի մաքրում
Այն բանի մասին, որ պետք է օրը երկու անգամ ատամները մաքրել բոլորս գիտենք: Սակայն դրանով սահմանափակվել պետք չէ: Լեզվի վրա նույնպես հավաքվում են մեծ քանակությամբ բակտերիաներ, որոնք կարող են վատ հետևանքներ առաջացնել: Լեզուն մաքրելու համար անհրաժեշտ է սովորական ատամի խոզանակ:
4. Մեկ գդալ մեղր
Մեղրը առավոտյան էներգիա է տալիս, լավացնում է հիշողությունը և աշխատունակությունը, բուժում է հազը և վերացնում է անգինայի ախտանիշները: Այդ իսկ պատճառով մեկ թեյի գդալ մեղրով օրը սկսելը անկասկած հիանալի որոշում է: Դա կարելի է անել նախաճաշից 10–15 րոպե առաջ
5. Բերանի ողողում` պերօքսիդի լուծույթով
Առավոտյան ընթացակարգերը կարելի է ավարտել բերանը պերօքսիդի լուծույթով ողողելով: Այստեղ տարօրինակ ոչինչ չկա, անհրաժեշտ է ուղղակի իմանալ չափաբաժինը` 3%-անոց լուծույթի 5–7 կաթիլ` 50մլ. ջրի վրա: Կարևոր է պերօքսիդը ավելացնել ջրի մեջ, այլ ոչ թե հակառակը: Այս գործընթացը կօգնի ատամները սպիտակեցնելուն:
