Չինաստանում հունվարի 10-ին տեղի ունեցած պայթյունի հետևանքով ոսկու հանքավայրում խցանված 11 աշխատակիցներ բարեհաջող կերպով դուրս են բերվել հանքահորից:
Ինչպես փոխանցում է BBC News-ը, նրանց դուրս բերման աշխատանքներն իրականացվել են կիրակի կեսօրին: Հաղորդվում է, որ աշխատակիցներից մեկը մահացել է գլխի հատվածում ստացած վնասվածքից: Երկու շաբաթ առաջ տեղի ունեցած պայթյունի հետևանքով հանքավայրում, որը դեռ կառուցման փուլում է գտնվում, մեծ թվով բեկորներ են լցվել:
Պայթյունի պահին հանքավայրում 22 աշխատակից է գտնվել: Մյուս 10-ի ճակատագիրը դեռևս անհայտ է: Երկրի իշխանությունները ձերբակալել են հանքավայրի ղեկավարներին՝ միջադեպի մասին հաղորդումն ուշացնելու համար:
