Թբիլիսիի կենտրոնում ցուցարարները Վրաստանի իշխանություններին վերջնագիր են ներկայացրել՝ պահանջելով չեղարկել սահմանափակումները, որոնք գործում են երկրում COVID-19-ի համավարակի պատճառով, հաղորդում է Նովոստի-Գրուզիա-ն:
Ակտիվիստների եւ շարքային քաղաքացիների խմբերը խոստանում են սկսել կառավարական հաստատությունների պիկետավորումը, եթե 48 ժամվա ընթացքում կառավարությունը զիջումներ չանի:
«Իշխանությունների արձագանքից կախված կլինեն մեր հետագա գործողությունները: Մարդիկ կորցնելու ոչինչ չունեն»,-հայտարարել է ակցիայի կազմակերպիչներից մեկը՝ Ալեքսանդր Փաիքաձեն:
Սահմանափակումների երկարաձգումն արդարացնելու համար այսօր Թբիլիսիի կենտրոնում՝ կառավարության շենքի մոտ, հավաքվել են հարյունավոր մարդիկ:
#სოცაფეთქება (սոցպայթյուն) հեշթեգով ֆեյսբուքում հայտարարված հանրահավաքի մասնակիցներն են ռեստորատորները, ավտոմեքենաներ ներկրողները, դահուկասպորտի հրահանգիչները, դերասանները, ինչպես նաեւ բազմաթիվ այլ ոլորտների ներկայացուցիչներ, որոնք առավելապես տուժել են սահմանափակումների պատճառով:
Նրանց միացել են քաղաքացիական ակտիվիսները եւ մի քանի ընդդիմադիր կուսակցությունների մի ներկայացուցիչներ:
Ցուցարարների հիմնական պահանջները թվարկված են սոցցանցում՝ միջոցառման էջում.
Լեռնադահուկային հանգստյան գոտիների բացում;
Դպրոցներում առկա ուսուցման վերականգնում;
Համայնքային եւ միջքաղաքային տրանսպորտի աշխատանքի վերականգնում;
Արտ-տարածությունների բացում;
«Պարետային ժամի» չեղարկում եւ այլն: