Հոլիվուդում հայտնի դերասանուհի Անժելա Սարաֆյանն անդրադարձել է այս օրերին Արցախի սահմանին ծավալվող իրադարձություններին։
Նա «ճանաչեք Արցախը» գրությամբ լուսանկար է հրապարակել Instagram-ում ու գրել. «Իմ սիրտը, իմ հոգին, իմ ամբողջ էությունը ձեզ հետ է, իմ ընտանիք, իմ հայեր, իմ տուն»,- գրել է Անժելան՝ վերահրապարակելով ամերիկահայ թատերագիր, նկարիչ, գրող, արվեստագետ եւ կատակերգու Վահե Բերբերյանի գրառումը։
Դրանում ասվում է, որ Հայաստանն ու Արցախը հարձակման են ենթարկվել Ադրբեջանի ու Թուրքիայի կողմից, ինչպես նաեւ կոչ է արվում միջոցներ նվիրաբերել Համահայկական հիմնադրամին։
