Թուրքիայում լրագրողին ձերբակալել են Օսմանյան կայսրության մասին «Դիրիլիշ Էրտուգրուլ» սերիալը քննադատելու համար, հաղորդում է Duvar կայքը:
Օկտայ Կանդեմիրին ձերբակալել են Վան արեւելյան գավառում իր տանը: Նա սոցցանցերում քննադատել էր սերիալը:
Նրան մեղադրանք է առաջադրվել Թուրքիայի ՔՕ 130-րդ հոդվածով («առնվազն 3 մարդու ներկայությամբ մարդու մահից հետո նրա հիշատակը վիրավորել»):
Կանդեմիրին, ում բազմիցս ձերբակալել են պրոֆեսիոնալ գործունեության համար, երեքշաբթի ազատ է արձակվել գրավի դիմաց:
