Չինացի բժիշկները ժանտախտի աղիքային ձևից մահվան դեպք են արձանագրել Չինաստանի Ներքին Մոնղոլիա ինքնավար շրջանում:
Ինչպես փոխանում է ТАСС գործակալությունը՝ հղում անելով շրջանի առողջապահության հարցերով հանձնաժողովին, բժիշկները 35 մարդու են մեկուսացրել, որոնք շփում են ունեցել մահացած տղամարդու հետ:
Ժանտախտի հայտնաբերման վայրում բարձր համաճարակաբանական վտանգի ռեժիմ է սահմանվել՝ ժանտախտի տեղական բռնկումների զգալի սպառնալիքով պայամանավորված: Հատուկ ռեժիմը կգործի մինչև տարեվերջ:
Աղբյուրը հաղորդում է, որ Չինաստանի հյուսիային շրջանի տափաստանային գոտում, ինչպես նաև հարևան Մոնղոլիայում երբեմն ժանտախտով վարակման դեպքեր են հայտնաբերվում: Դա հիմնականում տեղի է ունենում, քանի որ տեղի բնակիչները ժամանակ առ ժամանակ կրծողների միս են օգտագործում սննդում, ինչը կարող է հանգեցնել ժանտախտով վարակվելուն, քանի որ այդ կենդանիները ինֆեկցիոն հիվանդության փոխանցող են:
