Ինչպես ավելի վաղ հայտնել էինք, երեկ հրդեհ էր բռնկվել ֆրանսիական Նանտ քաղաքի Պողոս և Պետրոս սրբերի տաճարում:
Հրդեհի հետևանքով ամբողջությամբ այրվել է XVII դարի երգեհոնը, հաղորդում է BFMTV հեռուստաալիքը:
«Մեծ երգեհոնն ամբողջովին այրվել է, այն այլևս չկա, հավատացնում եմ ձեզ,- հայտարարել է Նանտի հրշեջ-փրկարարական ծառայության ղեկավար Լորան Ֆերլեն:
Կրակը հաջողվել էր մեկուսացնել 3 ժամում: Եղել էր կրակի երեք օջախ:
Նանտի Պողոս և Պետրոս սրբերի տաճարը (XV-XVI) Ֆրանսիայի խոշորագույն գոթական տաճարներից է: Բարձրությամբ այն 6 մետրով զիջում է Փարիզի Աստվածամոր տաճարին:
Վերջին անգամ տաճարն այրվել էր 1972-ին:
