Այսօր պետական տոնացույցով ՀՀ պետական խորհրդանիշների օրն է։
Քչերն են նկատել, որ Հայաստանի Հանրապետության զինանշանի նկարագրությունը օրենքում մի քիչ տարբերվում է Հայաստանի Սահմանադրության մեջ տեղ գտած նկարագրությունից:
Խոստովանեմ, որ այդ տարբերության հեղինակը ես էի, Ազգային Ժողովը ընդունեց այդ առաջարկությունը: Օրենքում նկարագրում է պատմական Հայաստանի թագավորություններից չորսի, և ոչ թե` չորս զինանշանները:
Այս հարցը կարեւոր եմ համարել, քանզի մեր պատմության ընթացքում Հայկական թագավորությունների, այն է՝ պետականության տարիների, քանակը իրականում 4-ից շատ ավելին է։
"Հայաստանի Հանրապետության զինանշանն է` կենտրոնում` վահանի վրա պատկերված են Արարատ լեռը` Նոյյան տապանով և պատմական Հայաստանի թագավորություններից չորսի` վերևից ձախ` Բագրատունիների, վերևից աջ` Արշակունիների, ներքևից ձախ` Արտաշիսյանների, ներքևից աջ` Ռուբինյանների զինանշանները: "
