Հայաստանում սույն թվականի հուլիս-օգոստոս ամիսներին կանցկացվի ուսուցիչների վերապատրաստում հեռավար կրթություն իրականացնելու համար: Այդ մասին այսօր՝ հունիսի 12-ին հայտարարել է ՀՀ կրթության, գիտության, մշակույթի եւ սպորտի նախարար Արայիկ Հարությունյան:
Այդուհանդերձ, նախարարը նշել է, որ ուսուցիչների վերապատրաստումների իրականացումը չի նշանակում, որ սեպտեմբերին դասերը կշարունակվեն առցանց:
«Մենք չունենք որոշում հեռավար ուսուցումը երկարաձգելու մասին: Մենք պետք է առաջնորդվենք իրավիճակով. եթե վիրուսը չլինի, ապա դպրոցները կբացվեն»,-ասել է Հարությունյանը:
