Ռուսաստանի նախագահ Վլադիմիր Պուտինը շնորհավորել է հայազգի նկարիչ ու քանդակագործ Գեորգի Ֆրանգուլյանին հոբելյանի կապակցությամբ։ Նա Ֆրանգուլյանի գործերն անվանել է պահանջված ու ոչ պարզունակ։ Հրապարակումը տեղադրվել է ՌԴ նախագահի կայքում։
«Շնորհավորում եմ Ձեզ՝ ծննդյան 75-րդ տարեդարձի կապակցությամբ։ Լինելով տաղանդավոր նկարիչ, քանդակագործ, զանազան ժանրերում և տարբեր տեխնիկաներով ստեղծված վառ, ինքնատիպ աշխատանքների հեղինակ՝ Դուք միջազգային լայն ճանաչման եք հասել։ Կարևոր է, որ այսօր էլ Ձեր ստեղծագործական ծրագրերը շարունակում են հետաքրքիր, յուրօրինակ և պահանջված լինել։ Ձեզ քաջառողջություն, ոգեշնչում և ամենայն բարիք եմ մաղթում»,- նշված է Պուտինի շնորհավորական ուղերձում։
Գեորգի Ֆրանգուլյանը ծնվել է Թբիլիսիի Սոլոլակի շրջանում 1945 թվականին։ 1956 թվականին ընտանիքի հետ տեղափոխվել է Մոսկվա։ 1964 թվականին ընդունվել է Ստրոգանովի անվան արվեստի բարձրագույն ուսումնարան։
Նրա ստեղծագործությունները գտնվում են Տրետյակովյան պատկերասրահում, Պուշկինի անվան Կերպարվեստի պետական թանգարանում, աշխարհի տարբեր երկրների մասնավոր հավաքածուներում։
