Որոշ դպրոցներում ավարտական դասարանների աշակերտներն այս օրերին ակտիվորեն նախապատրաստվում են ավարտական հոլովակ նկարելու, փոքրիկ հավաքույթ կազմակերպելու, ինչպես նաև «վինետկա» նկարվելուն։ Աշակերտները հույս ունեն վերջին զանգի փոխարեն այլ միջոցառում անցկացնել և այդպիսով իրենց համար կարևորել ու հիշարժան դարձնել այդ օրը։ Այս մասին հայտնում է ArmDaily.am-ը:
Լրատվականը ԿԳՄՍՆ-ից հետաքրքրվել է, թե արդյոք նախարարության հետ համաձայնեցված է այս քայլը, նախարարությունում տեղյա՞կ են և ի՞նչ քայլեր են արվում այս ուղղությամբ։ Մեր հարցադրումներին ի պատասխան նախարարությունից նշեցին, որ վերջին զանգի ու տարեվերջյան միջոցառումների հետ կապված նախարարն ու նախարարությունը ներկայացրել են իրենց մոտեցումը, որը չի փոխվել։
