«Keeping up with the Kardashians իրապատում շոուի աստղ Քորթնի Քարդաշյանն Ինստագրամի իր էջում ներկայացել է նոր ֆոտոշարքով:
Հրապարակված կադրերում Քորթնին լողազգեստով ցուցադրել է իր «բնական» մարմինը՝ առանց լուսանկարի խմբագրման:
Երկրպագուներից մեկը մեկնաբանություններում նշել է, թե աստղը, կարծես, հղի լինի:
Քորթնին պատասխանել է նրան և հերքել իր՝ հղի լինելու մասին լուրը:
«Ես այսպիսին եմ, երբ մի քանի ավելորդ կիլոգրամներ եմ հավաքում, և իրականում ինձ այսպես դուր է գալիս: Ես երեք հիանալի անգամներ ծննդաբերել եմ, ու սա իմ մարմնի ձևն է»,- գրել է աստղը:
Նշենք, որ 41-ամյա հայուհին 3 երեխա ունի նախկին ամուսնուց՝ Սքոթ Դիսիքից:
