Գոտկատեղի շրջագիծն ուղիղ կապ ունի սիրտ-անոթային հիվանդությունների հետ․ ահա թե ինչպես


Գոտկատեղի շրջագիծն ուղիղ կապ ունի սիրտ-անոթային հիվանդությունների հետ․ ահա թե ինչպես
Հունվար 30 00:30 2020

Շվեդ գիտնականները պարզել են, որ գոտկատեղի, որովայնի հատվածի ճարպը ուղիղ կապ ունի սրտանոթային խնդիրների հետ։ European Journal of Preventive Medicine-ում հրապարակված ուսումնասիրությունները ցույց են տալիս, որ եթե որովայնային ճարպը շատ է, սրտի իշեմիկ հիվանդության նոպաների կրկնության հավանականությունը մեծանում է։

Գիտափորձին մասնակցել է 22 հազար շվեդ, ովքեր մեկ անգամ սրտի նոպա են ունեցել։ Նրանց մեծամասնության մոտ կոնքի շրջագիծը գերազանցել է նորման, որն է՝ տղամարդկանց մոտ 94 սանտիմետր, կանանց մոտ՝ 80 սանտիմետր։

Մասնագետները նշում են, որ հատկապես նրանք, ովքեր մեկ անգամ սրտամկանի ինֆարկտ  են տարել, պետք է պահպանեն որովայնի նորմալ չափսը, քանի որ այդ հատվածում ճարպի կուտակումը կտրուկ մեծացնում է ինֆարկտի, սրտի նոպաների հավանականությունը։ Որովայնի հատվածում կենտրոնական ճարպակալումը մեծացնում է նաև երկրորդ տիպի շաքարային դիաբետի առաջացման ռիսկը:

 
 

Ընդ որում, գոտկատեղի շրջագծի եւ սրտային նոպայի միջեւ կապը տղամարդկանց դեպքում ավելի ամուր է, քան կանանց։

Աղբյուր՝ Բուժ ինֆո



loading...