Արմավիրում կինը մեղադրվում է իր որդուն հայհոյելու համար նկատողություն արած հարեւանուհուն ծեծելու մեջ։
Ըստ մեղադրական եզրակացության՝ դեպքը տեղի է ունեցել 2019թ. հուլիսի 4–ին։ Ալլա Պ.–ն եղբոր հետ ծեծել է հարեւանուհուն, երբ վերջինս նկատողություն է արել Ալլայի որդուն։ Մասնավորապես, մայրը դիտավորությամբ մեկ անգամ փայտով հարվածել է հարեւանուհու աջ ուսագոտու շրջանին, այնուհետև բռնել ու քաշքշել է նրա մազերից։
Ալլա Պ.–ին մեղադրանք է առաջադրվել Քրեական օրենսգրքի 118-րդ հոդվածով: Խափանման միջոց է ընտրվել ստորագրությունը չհեռանալու մասին։
Գործը քննվելու է Արմավիրի մարզի ընդհանուր իրավասության դատարանում։
