Շրի Լանկայում Զատիկի տոնակատարության ժամանակ հյուրանոցներում և եկեղեցիներում որոտացած 6 պայթյունի հետևանքով զոհերի թիվը 160-ի է հասել, տուժածների թիվը՝ 360-ի: Ինչպես հաղորդում է «Արմենպրես»-ը, այս մասին հայտնում է ՌԻԱ նովոստին:
Նշվում է, որ ընդհանուր առմամբ 6 պայթյուն է որոտացել Կոլոմբոյի 5 աստղանի 3 հյուրանոցներում և Կոտահենա, Նեգոմբո և Բատիկալոա քաղաքների եկեղեցիներում:
Նշվում է, որ զոհերի թվում նաև օտարերկրացիներ կան: Պայթյունների վայրերում աշխատում է ոստիկանությունը: «Կոլոմբո» միջազգային օդանավակայանում ուժեղացվել են անվտանգության միջոցառումները: Երկրի կառավարությունն արտահերթ նիստ է անցկացրել:
