Արարատի մարզի Ավշար գյուղում բնակիչները փակել են միջգյուղական ճանապարհը: Նրանք պատրաստվում են փակել նաև Երևան-Արարատ միջպետական ճանապարհը: Տեղում են ոստիկանության ներկայացուցիչները, ովքեր հորդորում են չփակել ճանապարհը:
Գյուղի միջնակարգ դպրոցի աշակերտներն ու ուսուցչական կազմը պահանջում են նորընտիր տնօրեն Հերմինե Անդրեասյանի հրաժարականը։
Ինչպես հայտնել էինք՝ երեկ Ավշարի միջնակարգ դպրոցի տնօրենը հայտնել էր, որ պատրաստվում է հրաժարական տալ, քանի որ չի կարող աշխատել նման լարված պայմաններում, սական մարզպետարան այցից հետո կարծես թե, մտափոխվել է:
ArmDay.am-ի հետ զրույցում ակտիվիստները վստահեցրին, որ նորընտիր տնօրենը ստացել է Արարատի մարզպետի «դաբրոն» :
Հերմինե Անդրեասյանն ասյօր չի ներկայացել դպրոց: Տեղեկություններ կան, որ նա բժշկից տեղեկանք է վերցրել, որպեսզի բացակայի և ժամանակ շահի, մինչև կրքերը հանդարտվեն: Ակտիվիստները պատրաստվում են պարզել և պատժել տնօրենին բժշկի թուղթ տրամադրողին, քանի որ վերջինս առողջական խնդիրներ չունի, և ժամանակ շահելու համար է բացակայում դպրոցից:
