Էտնա լեռը տպավորիչ «շոու» է կազմակերպել ապշած զբոսաշրջիկների համար, որոնք հետևել են՝ ինչպես են հրաբխից ծխի օղակները երկինք բարձրանում, գրում է Daily Mail-ը:
Հազվագյուտ երևույթը հայտնի է որպես հրաբխային ծխի օղակ և ձևավորման համար պահանջում է հանգիստ մթնոլորտ:
Չնայած անվանմանը, օղակները կազմված չեն ծխից, այլ խտացրած գազերից, հիմնականում ջրային գոլորշիից, որը դուրս է եկել մագմայից
Այսպիսի հրաբխային ծխի օղակները տեղի են ունեցել ամբողջ աշխարհում, սակայն օղակների նման մեծ քանակը, որը նկատվել է Էթնա լեռան վրա, չափազանց հազվադեպ է:
Հրաբխը, որը գտնվում է Սիցիլիա կղզում, Իտալիայի հարավային ծայրում, Եվրոպայի ամենաակտիվ հրաբուխն է: Այն հաճախակի է ժայթքում: 2021 թվականին վեց ամսվա ընթացքում Էտնան այնքան հրաբխային նյութ է արտանետել, որ լեռան բարձրությունն աճել է գրեթե 30 մետրով:
Էտնայի ամենակործանարար ժայթքումը եղել է 1669 թվականին, երբ մոտավորապես տասնչորս գյուղեր և քաղաքներ ավերվել են լավայի հոսքերի կամ ժայթքումից հետո տեղի ունեցած երկրաշարժերի պատճառով:
