Ինդոնեզիայի քաղաքացուհի Սիթի Այսիան, ում կասկածում են Հս. Կորեայի առաջնորդ Կիմ Չեն Ընի խորթ եղբոր Կիմ Չեն Նամի սպանության մեջ, պնդում է, որ իրեն վարձել են խաղի մասնակցելու համար և այդ նպատակով 90 դոլար են վճարել:
Ինչպես հաղորդում է INTERFAX.RU-ն, 25-ամյա կինը նշում է, որ չի իմացել, թե սպանության է մասնակցելու: Վերջինիս խոսքով` կորեական կամ ճապոնական արտաքին ունեցող մարդկանց առաջարկել են կատակախաղի մասնակցել իրապատում շոուի շրջանակներում:
Կինը պնդում է, որ չի իմացել, թե ինչ նյութ է եղել իր ձեռքում հարձակման պահին: Նրա կարծիքով` դա կոսմետիկ յուղ էր եղել:
Ինչպես ավելի վաղ հայտնի էր դարձել, մահը վրա էր հասել VX կոչվող անհոտ թունավոր նյութից, որը լցրել էին հյուսիսկորեացու դեմքին Կուալա Լումպուրի միջազգային օդանավակայանում: