Լիբանանի նախագահ Միշել Աունը այցելել է լիբանանյան բանակի զինծառայող Սեպուհ Կիրակոսյանին, ով ծանր վիրավորումից հետո վիրահատվել է եւ գտնվում է վերակենդանացման բաժանմունքում:
Նախագահը ծանոթացել է բուժման ընթացքին եւ ապաքինում մաղթել հայ զինծառայողին:
Հիշեցնենք, որ Սեպուհ Կիրակոսյանը վիրավորվել է Լիբանանի եւ Սիրիայի սահմանին՝ «Իսլամական պետություն» ահաբեկչական խմբավորման դեմ մղված մարտերի ժամանակ։
