Ինչպես արդեն հայտնել էինք, Հայաստանի ազգային հավաքականի երկրպագուների «Առաջին հայկական ճակատ» (FAF) շարժման ֆեյսբուքյան էջում տեղեկատվություն է տարածվել այն մասին, որ Մոնտենեգրոյում հարձակում է եղել հայ երկրպագուների վրա:
«Մոնտենեգրո-Հայաստան խաղից հետո, երբ հյուրերի սեկցիայում գտնվող շուրջ 80 հայ երկրպագուները, անվտանգության կարգադրությունները լսելով 30 րոպե սպասելուց հետո ոտիկանների ուղեկցությամբ հեռանում էին մարզադաշտից, հայ երկրպագուների վրա դրոշներ, պաստառներ զավթելու ակնկալիքով հարձակում գործեց Մոնտենեգրոյի երկրպագուների խուլիգանական խմբավորում։
Արժանանալով դիմադրության ՖԱՖ-ի կողմից, ուլտրասներին ոչինչ զավթել չհաջողվեց։
2 կողմից եղան բերման ենթարկվածներ և հոսպիտալացվածներ։ Ոստիկանությունը կիրառեց անհամաչափ ուժ։
Ուշ գիշեր ոստիկանական բաժանմունքից և հիվանդանոցից շարժման անդամների դուրս գրվելուց հետո ՖԱՖ-ը ողջ անձնակազմով վերադարձավ Բուդվա»,-ասված է հայտարարության մեջ:
Ավելի ուշ FAF-ը նաև տեսանյութ է հրապարակել:
Հիշեցնենք՝ Հայաստանի ազգային հավաքականը երեկ՝ հունիսի 30-ին Պոդգորիցայի «Գրադսկի» մարզադաշտում ԱԱ-2018-ի ընտրական փուլի շրջանակում մրցեց Մոնտենեգրոյի հավաքականի հետ և 1:4 հաշվով պարտություն կրեց:
