Աշնան գալու հետ վիտամինների քանակն օրգանիզմում սկսում է նվազել։ Ցուրտ եղանակին մարդ հատկապես վիտամին D-ի պակաս է ունենում։
Հաճախ կարող եք չզգալ, որ վիտամին D-ի պակաս ունեք, սակայն օրգանիզմը որոշակի ազդանշաններ է տալիս, որոնք հաճախ երեւում են մարդու դեմքից։
Հոգնած դեմք՝
D վիտամինի պակասի դեպքում դեմքի մաշկը կորցնում է առողջ տեսքը, դառնում է թոռոմած, հոգնած, ոչ թարմ։
Պզուկներ եւ կարմրություն՝
D վիտամինը պաշտպանում է մաշկը բորբոքումից։ Դա պակասի ժամանակ դեմքին բորբոքային պրոցեսներ կարող են առաջանալ։
Կնճիռներ՝
D վիտամինը կանխում է կնճիռների վաղ առաջացումը, իսկ ահա դրա պակասի դեպքում մաշկը ավելի արագ է կնճռոտվում։
Էկզեմա՝
Դեմքին էկզեմայի նշանները նույնպես կարող են վկայել D վիտամինի պակասի մասին։ Էկզեմայի հիմնական նշաններն են՝ կարմրությունը, չորությունն ու քորը։
Ձմռանը D վիտամինի աղբյուր կարող են լինել ձուն, շամպինիոն սունկը, կաթնաթթվային մթերքը, ձուկը։
Աղբյուր՝ Բուժինֆո
