Ավտոմեքենաներից գողություններ անող 51-ամյա տղամարդը հայտնվեց ոստիկանությունում


Ավտոմեքենաներից գողություններ անող 51-ամյա տղամարդը  հայտնվեց ոստիկանությունում
Օգոստոս 17 23:35 2019

Օգոստոսի 16-ին, ոստիկանության Մաշտոցի բաժնի ծառայողներն օպերատիվ տվյալներն իրացնելով Հալաբյան եւ Էստոնական փողոցների խաչմերուկից գողություն կատարելու կասկածանքով ոստիկանություն բերման են ենթարկել 51-ամյա մի տղամարդու:

Ոստիկանությունից  հայտնում են, որ նա տվել է խոստովանական բացատրություն, որ հունիսին Դավիթաշեն 4-րդ թաղամասի 5 շենքի բակում կայանված մեքենայից գողացել է էլեկտրական մարտկոց, հուլիսի 21-ին գողացել է Առաքելյան փողոցում կայանված մեքենայի էլեկտրական մարտկոցը:

Պարզվել է նաեւ, որ բերման ենթարկվածը հունիս-հուլիս ամիսներին Աջափնյակ եւ Դավիթաշեն վարչական շրջաններում կայանված մեքենաներից կատարել է մի շարք այլ գողություններ:

Ձեռնարվում են միջոցառումներ տուժողներին եւ գողոնը հայտնաբերելու ուղղությամբ:

Նախապատրաստվում են նյութեր:



loading...