ԱՄՆ-ում տղամարդն իր իսկ շների զոհն է դարձել, որոնք բնակվել են իր տան տարածքում, գրում է The Washington Post-ը:
57-ամյա ամերիկացին ապրել է միայնակ՝ 18 շների հետ: Հարազատները նրան այցելել են մի քանի շաբաթը մեկ և օգնել գնումների հարցում:
Որոշ ժամանակ անց՝ մայիսին, նրանք դիմել են իրավապահներին՝ հայտնելով, որ ապրիլից չեն կարողանում կապվել տղամարդու հետ, իսկ տուն մտնել չի հաջողվում ագրեսիվ շների պատճառով:
Երբ ամերիկացու տուն է այցելել ոստիկանությունը, ապա ոչ ոքի չի հայտնաբերել: Սակայն շուտով հայտնաբերվել է ոսկորի ոչ մեծ կտոր, ավելի ուշ՝ մազափունջ:
Փորձաքննությունը ցույց է տվել, որ այդ ամենը պատկանել է անհետացած տղամարդուն: Ամենայն հավանականությամբ կենդանիներն ամբողջությամբ կերել են նրան:
Շներից 13-ին քնեցրել են ագրեսիվ պահվածքի համար. դրանք սպանել են նաև իրենց 2 ցեղակիցներին: Եվս 3-ին ուղարկել են կենդանիների ապաստարան: