ՀՀ-ում մահացության երկու դեպք է գրանցվել, որոնց մոտ հայտնաբերվել է գրիպի Ա տեսակի H1N1 ենթատեսակը:
ArmDay.am-ի հետ զրույցում Առողջապահության նախարարությունից հայտնեցին, որ մահվան պատճառը գրիպը չի հանդիսացել: Նրանք ունեցել են ուղեկցող հիվանդություններ, օրինակ ՝ սիրտ թոքային անբավարարություն:
«Խոզի գրիպ»-ը սովորական գրիպ է, որին չհետևելու և ուղեկցող հիվանդությունների դեպքում, վիճակը սրվում է:
Առողջապահության նախարարության տվյալներով՝ հունվարի 14-ի դրությամբ՝ պոլիկլինիկական ծառայության դիմել է սուր շնչառական վարակներով 1080 հիվանդ, ստացիոնարներում բուժում է ստանում 837 քաղաքացի, որոնց 95%-ը երեխաներ են:
Չնայած, այն բանին, որ երեխաների մոտ հիվանդությունն առավել տարածված է, դասապրոցեսը կրթական հաստատություններում դադարեցնելու կարիք դեռևս չի զգացվում:
Նախարարության մասնագետները շարունակում են իրականացնել մանկական նախադպրոցական հաստատություններում և դպրոցվան ներում շնչառական վարակներով հիվանդ երեխաների նկատմամբ հսկողությունը՝ «համաճարակաբանական ֆիլտրը»: Հունվարի 14-ին 499 երեխայի մոտ դիտվել է ՍՇՎ և վերջիններս տուն են ուղարկվել:
