Հոլիվուդյան դերասանուհիները մեկը մյուսի հետևից նոր պատմություններ են հիշում այն մասին, թե ինչպես է պրոդյուսեր Հարվի Վայնշտեյնը անպարկեշտ առաջարկներ արել իրենց: Նրանցից մեկն էլ Գվինետ Պելտրոուն է: Նա ևս պատմել է տարիների վաղեմություն ունեցող մի տհաճ միջադեպի մասին:
Գվինետը Վայնշտեյնի թիրախում է հայտնվել, երբ 22 տարեկան էր: Պրոդյուսերը նրան հյուրանոց է հրավիրել և առաջարկել է մերսում անել: Դերասանուհին հրաժարվել է, իսկ Վայնշտեյնը սպառնացել է նրան հեռացնել աշխատանքից, եթե որևէ մեկին պատմի տեղի ունեցածի մասին:
Այդ ժամանակ Գվինետ Պելտրոուն և Բրեդ Փիթը սիրային կապի մեջ էին, և Գվինետը ամեն ինչ անկեղծորեն պատմել է սիրելիին: Բրեդ Փիթն անմիջապես գնացել է Վայնշտեյնի մոտ և ասել. «Կսպանեմ քեզ, եթե ևս մեկ անգամ փորձես վիրավորել Գվինետին»:
Այս միջադեպից հետո Վայնշտեյնն այլևս երբեք անպարկեշտ առաջարկով չի դիմել Պելտրոուին:
