Վարչապետ Կարեն Կարապետյանի գլխավորությամբ կառավարությունում կայացել է ՀՀ տեսչական մարմինների միասնական բողոքարկման հանձնաժողովի նիստ:
Նիստում քննարկվել է ՀՀ ԿԱ պետական եկամուտների կոմիտեի հարկային և մաքսային մարմինների գանգատարկման հանձնաժողովի ընդունած որոշումների դեմ հինգ հայտ: Հիմնավորումների և փաստարկների քննարկումից հետո հանձնաժողովը որոշել է բավարարել ներկայացված բողոքներից երկուսը, մասնակի բավարարել մեկը, իսկ երկուսը՝ մերժել:
