Սննդամթերքի անվտանգության տեսչական մարմնի կողմից անհատ ձեռնարկատեր Յուլյա Վարդանյանին պատկանող և Տավուշի մարզ, Դիլիջան քաղաք, Կալինինի 3/16 հասցեում գործող գազավորված ոչ ալկոհոլային ըմպելիքների արտադրամասում իրականացված զննման շրջանակներում լաբորատոր փորձաքննության ներկայացված «Գազավորված ոչ ալկոհոլային ըմպելիք թարխունի համով», «Գազավորված ոչ ալկոհոլային ըմպելիք տանձի համով» արտադրատեսակների նմուշները «ՄԱՄՔ» և «Խմոր/բորբ (գումարային)» ցուցանիշներով չեն համապատասխանել սննդամթերքի անվտանգության ոլորտի իրավական ակտերով սահմանված անվտանգության և սննդամթերքի հիգիենային ներկայացվող պահանջներին։ Այս մասին հայտնում են ՍԱՏՄ-ից։
«Տեսչական մարմնի ղեկավարի որոշմամբ՝ կասեցվել է արտադրամասի արտադրական գործունեության առանձին գործառույթի՝ «Գազավորված ոչ ալկոհոլային ըմպելիք թարխունի համով», «Գազավորված ոչ ալկոհոլային ըմպելիք տանձի համով» արտադրատեսակների, արտադրությունը մինչև հայտնաբերված խախտումները վերացնելը»,- նշված է հաղորդագրությունում:
