Մերձավոր Արևելքում շարունակական պատերազմը աղետալի հետևանքներ կունենա տասնյակ միլիոնավոր մարդկանց համար. բոլոր կողմերը պետք է քայլեր ձեռնարկեն իրավիճակի լարվածությունը թուլացնելու և խաղաղ բնակիչներին պաշտպանելու ուղղությամբ, հայտարարել է Կարմիր խաչի միջազգային կոմիտեի (ԿԽՄԿ) նախագահ Միրյանա Սպոլյարիչ Էգերը։
«Մերձավոր Արևելքում ընթացող ռազմական գործողությունների պատճառով խաղաղ բնակիչները անընդունելիորեն բարձր գին են վճարում… Մարտական գործողությունների հետագա սրումը աղետալի կլինի տասնյակ միլիոնավոր մարդկանց համար։ Անհրաժեշտ է հրատապ միջոցներ ձեռնարկել՝ հակամարտության լարվածությունը թուլացնելու և խաղաղ բնակիչներին հետագա տառապանքներից պաշտպանելու համար», – մեջբերում է նրա խոսքերը ԿԽՄԿ-ի մամուլի ծառայությունը։
Կարմիր խաչի միջազգային կոմիտեն նշել է, որ վերջին օրերին Սաուդյան Արաբիայում մարդկային կորուստները, վիրավորումներն ու ավերածությունները ևս մեկ ապացույց են այն ծանր հետևանքների, որոնք ռազմական գործողությունները թողնում են քաղաքացիական բնակչության վրա։
