Ռուսաստանի մայրաքաղաքի առնվազն ինը համալսարանների տարհանման հրաման է տրվել։ Այդ մասին հայտնում է «Զգուշացե՛ք, Մոսկվա» Telegram ալիքի։
Հաղորդագրությունում պարզաբանվում է, որ Ռուսաստանի թատերական արվեստի ինստիտուտի, պետական մանկավարժական համալսարանի և Մոսկվայի միջազգային համալսարանի ուսանողներն ու դասախոսները տարհանվել են։ Նմանատիպ տարհանումներ են նկատվում նաև Մոսկվայի կապի և ինֆորմատիկայի տեխնիկական համալսարանում, Ա.Ն. Կոսիգինի անվան ռուսական պետական համալսարանում, Կինեմատոգրաֆիայի և հեռուստատեսության ինստիտուտում, Ռուսաստանի Դ.Ի. Մենդելեևի անվան քիմիական տեխնոլոգիայի համալսարանում, Արտաքին առևտրի համառուսաստանյան ակադեմիայում և Մոսկվայի սպորտի և տուրիզմի պետական համալսարանում։«Նախնական հաղորդագրությունները ցույց են տալիս, որ զանգվածային տարհանումները պայմանավորված են եղել ռումբի սպառնալիքներով», - նշվում է հաղորդագրության մեջ։
Լրագրողները ընդգծել են, որ ահազանգերը կեղծ են եղել։ Այնուամենայնիվ, համապատասխան մարմինները շարունակում են ստուգել համալսարանի շենքերը՝ պոտենցիալ վտանգավոր օբյեկտների առկայության համար։
