Կառավարությունում քննարկվում է «Ընտանեկան և կենցաղային բռնության կանխարգելման ու ընտանեկան և կենցաղային բռնության ենթարկված անձանց պաշտպանության մասին» օրենքում փոփոխություններ և լրացումներ կատարելու մասին» նախագիծը։
Նիկոլ Փաշինյանը հայտարարեց, թե այս նախագծի ամենակարևոր նպատակն այն է, որ բարձրաձայն հայտարարվի՝ մի՛ արեք։
«Եթե անեք՝ լինելու է կոշտ արձագանք»,- նշեց նա։
Վարչապետի խոսքով՝ տարիներ շարունակ Հայաստանում եղել է այս պրակտիկան՝ բռնության ենթարկվածին ասում են՝ «դե լավ, գնա, ամիսը մի անգամ էլ ծեծ կեր»։
Արտաքին գործերի նախարար Արարատ Միրզոյանն էլ ասաց, որ բռնության թեման երկար ժամանակ տաբու է եղել, միտումնավոր այդ մասին չի բարձրաձայնվել։
«Այո՛, Հայաստանում կա ընտանեկան բռնություն, այս երևույթի դեմ պետք է հետևողականորեն պայքարել, կոմպրոմիս չի լինելու»,- նշեց ԱԳ նախարարը։
