Բավականին լայն ցանկով ապրանքներ ՀՀ-ից երբ այսուհետ արտահանվեն ԵՄ, այդ ապրանքների համար մեր արտահանողները չեն վճարի մաքսատուրք, այս մասին Հանրային հեռուստաընկերության եթերում ասել է Էկոնոմիկայի նախարար Գևորգ Պապոյանը։
Ավելի վաղ հայտնել էինք, որ ԵՄ Խորհուրդն այսօր հավանություն է տվել օրենսդրական նախաձեռնության, որով նախատեսվում է երկու տարով ժամանակավորապես կասեցնել մաքսատուրքերը հայկական ապրանքների լայն շրջանակի համար և ազատականացնել Հայաստանից ԵՄ արտահանման շուրջ 80%-ը։
